18++++++++++++++++++
話說有日我跟症，有個有返咁下上份量嘅男人入到嚟…醫生房內嘅燈光暗咗…
醫生:今日有乜唔舒服呀？
佢望一望我:我…我…我…
醫生:嗯？
佢:有冇藥可以令嗰度增長㗎？
醫生:你性生活上遇到困難？
佢又望一望我:我…女朋友…話好似冇嘢入…
唔好望我得唔得？我唔係“偷聽”你講嘢～你當我係死物就得㗎啦…
醫生喺呢個時候戴手套，代表乜？檢查囉…你唔好叫我擰轉面呀～跟得症就要金晴火眼望住，唔理你男定女都要望呀～
醫生沉默檢查後:嗯，你哋平時用乜體位呢？
佢:男上…嗰啲…
醫生:下次可以嘗試其他體位
佢:即係…邊啲pose？
醫生:嗯…例如…老漢推車
「呠～」～sorry！我急急擰轉面扮執嘢，我把口漏氣，忍唔住笑咗～點解醫生會講老漢…呢啲應該有正式學名卦…
佢:咁會feel到我？
醫生:嗯，如果你想做檢查都可以轉介你到專科
佢:呢度…冇嘢可以拉長啲佢？
橡筋就有得拉，很想要吧？
醫生:冇呢啲嘢
佢:咁我返屋企考慮吓，即係冇藥食？
醫生:冇，要唔要寫定信俾你去專科？
佢:我要唔要俾錢？既然冇藥食…
醫生:你出去坐低等等得㗎啦，姑娘會收你診金
佢:吓…
佢好唔情願咁整理褲頭，依依不捨咁行出醫生房，噢，房又光明返好多了～我拎起電話google了老漢推車…
我:醫生，下次你可唔可以唔好講老漢～我google咗～佢叫後背體位呀！
醫生:你都要google先知叫後背體位，何況佢？
我:呀～你又講得好似好有道理…
咦？我硬係覺得怪怪哋…我係咪俾醫生寸呀？
Search